早上我先到火車站預訂了晚黑10點去匈牙利布達佩斯的一班車，計一計時，還要”捱”成十多個鐘，哈哈，點解叫”捱”，其實主要景點我地都去得七七八八，係佈拉格唔知仲可以做ｄ咩，我們咪又開始周圍逛，我們先參觀布拉格的國立博物館，個人認為都幾垃圾下，場內展品好冇組織咁放，冇主題，冇驚喜，不值一看，跟住又返返去舊市政廳廣場逛逛啦，點知竟然撞返之前係Krakow Hostel認識ｏ既一個澳洲仔，歐洲唔係咁細卦，跟住我們就上了市政廳榙頂一覽布拉格風景。

 

之後的時間就像"Ghost walk"，同一條街我地行過幾次，行行企企成十個多鐘頭，咪話唔辛苦，當天又凍喎，ｄ冷風吹到個頭都有ｄ暈，anyway，好辛苦咁終於捱到可以上火車，結論我同阿祺都稱布拉格為”鬼地方”。

 

註：圖中你地會見到一幅由上影下去的相片，下面好多人咁抬頭看乜呢，其實市政廳每逄整點時間，大樓個鐘側根會有些機動公仔自動咁郁下，有咩特別？看唔出，不過每個鐘頭都哽有人係到等看表演，就如我們第一次去到時，抬頭咁等睇野，最後一定爆句%$$%$%$%$%$