長途火車我都係第一次搭，我地雖有火車証，但仍要補加約十幾歐羅留床位，這架火車比較舊，ｄ床都唔係好乾淨咁，所以我們要用睡袋包身咁訓，我地個卡箱有6張床，空間很細，我並不能申直雙腳訓，仲要同另外兩個波蘭女人同卡箱，因旅程會經維也納、捷克同埋波蘭邊境，所以成晚俾海關人員搞醒幾次去睇passport，好在我係一個好易訓到的人，轉頭又可以好快入睡，所以總算好易又過一晚，臨到站時睇住下面個波蘭女人係度即席換褲，對我而言，佢又唔係十八廿二，對眼睛而言是一種苦難囉。

 

7點幾到達華沙，天色灰暗，而且火車站外圍的建築都好舊下，而且沒甚特式，想必不會留太久，而我地其實早就計劃下午5點搭火車走，因為可以連同昨晚的火車行程只計算為1次，慳得就慳囉。

花了數個鐘就周遊了華沙最出名的古城，古城內的建築物亦極具歐陸式風采，在古城廣場閒坐時，感覺悠然，最不值是參觀了居里夫人的故居（現為居里夫人博物館），沒有多大睇頭，回程中我們找到一間餐廳有提供Set Lunch的，連日來也沒有進入過任何餐廳，主要原因是不懂該些文字，唔識點叫，Set Lunch可以唔洗諗，而且價錢明碼實價，這亦不是什麼普通Set Lunch，湯、前菜、主菜、drink跟足，美味十足。

 

飽餐後再徘徊多一陣都只係2點幾，睇一睇旅遊書，主要景點都去哂，故我地即時改變原定乘搭5點火車離開的計劃，回到火車站reserve 3點那一班火車去波蘭的克里科夫(Krakow)，事實上一般搭日班火車都不用reserve，但華沙這地方就很特別，若選搭快速火車必需規定reserve座位，真係食水深，因為不屬快速火車的班次都要等到5點鐘，我地唔想呆等了，咪俾佢賺多EU1。

既然俾多了錢，我地哽係想坐得舒服d，我地第一時間衝入一個卡箱，但坐低才發覺入了食煙卡箱，這個卡箱正常可以坐8人，但我地唔想有食煙的人入來，咁我地就諗到方法，即時除去雙鞋，“洞”高雙腳，“差”去對面座位，再將d行李放哂係其它座位上，再取埋副啤牌出來係到玩，d人行過通常都唔敢入來，見過三條煙友係出面徘徊了幾次，亦有昅過入來，但最終都沒有走進來，哈哈，成程車我地都能夠兩人霸成個卡箱，真舒服。

 

旅遊書說Krakow的火車站會有station girls介紹住宿，唔洗自己搵，果然我地一出到站口就有數個人兜搭我們，我們哽係揀最靚女那個station girl做個介紹，佢推薦我地去Dizzy Daisy Hostel，佢寫了個價錢EU10及簽了個名在單張上，著我們交這單張給Hostel就可以，我們其後在Hostel對過價錢，並沒有呃秤，不過阿祺就看到另外一個遊人手上的同一單張是EU11，可能個靚女見我地ｏ岩傾又靚仔，唔收咁多comission啦，呵呵。