經過廿多個鐘頭的飛機旅程，終於到達了德國的慕尼黑(Munich)，今次我同阿祺選擇了阿聯酋航空，主因它比英航平近HK700，來回機票只需大慨HK3900，不過就需要係杜拜轉機，同埋要同ｄ中東人同機，佢地身上那一陣異味，同埋除哂鞋係到“R”腳的動作，不是個個人都頂得順，我地係杜拜機場侯機地方要花了一段時間才找到一個空氣比較清新的位置休息；係油價高企及恐襲處處的情況下，機票附加費就要約HK1100，同機票費相比，就係太不值。

 

係出發前，我地除了另外購買了5天東歐火車証（US162 - 1個月內可選任何5天乘搭東歐的火車）外，就是買了三本旅遊書，同係網上預先print定了某些東歐及德國的旅館資料，係沒有再多的計劃下就這樣上路了；

 

我們大慨於8點多到達慕尼黑機場，再根據旅遊書上記載的資料及現場極少的指示下找到購買S-Bahn (S8線)快速電車票的地方，乘至中央火車站的票費為EU8，在途中我們打開準備好的旅館資料，才發覺忘記print旅館地圖，手上只得個地址名稱，不過去到火車站時，我地都顧不了那麼多，先看一看火車行程，我地第二天因為想去著名的新天鵝堡 (Schloff Neufchwanftein)，新天鵝堡接近富森鎮(Fussen)，所以先要坐火車到富森，我們最後發覺買一種叫Bryan ticket係最抵，這是一種24小時拜仁市車証，團體價錢（2至5人為EU24），可以在拜仁市無限次乘坐巴士、電車、地鐡及火車，記下了火車班次後，就跳出火車站門口去找旅館，問了數個當地人，都是拪手擰頭，我地兩個人惟有係火車站一帶盪遊，慕尼黑每條街都有街道牌釘上，行了大慨半個多鐘頭，突然見到個街名出現，其實佢只係係火車站門口鈄對面的一條街 ，行到街中心，突然見到3個香港人，寒喧一番後佢地介紹我們住這條街的一間Mombat Hostel，佢地話床費只係 EU16包Locker及一杯free drink，另早餐費為EU4，知道佢地趕著去捷克布拉格(Prague)，順便問一下他們去布拉格的火車費要多少，驚異的知道只係EU25，那一刻我同阿祺就覺得下一站非布拉格莫屬；他們走後，我們都係跑到Mombat Hostel隔離的Youth Hostel，因為我們手上的旅館資料顯示Youth Hostel只需要EU13，我們想先看看自己的選擇，店員表示8床大房(EU13)已滿，只剩Double room (即2床房)，價錢為EU20包早餐，心想Mombat多床房連早餐也要EU20，不如選擇Youth Hostel的Double room，先住一晚才算，我們就這樣安頓下來了，扆內環境一般，但都算乾淨，Toilet及Bath room就同其它十多間房客share，感覺上都很企理。

 

還記得Bryan ticket是2-5人票嗎？我們係Hostel的Notice board寫上partner request，希望可以找到去新天鵝堡的旅伴，share一下張Bryan ticket的費用。